ජීවිතේ සමහර කාල වලදි අපට අපේ ජීවිතය එපා වෙන කොට ඒකාකාරි වෙන කොට කලකිරෙන කොට ඔයා වාසනාවන්තයි නම් ඔයාට හම්බෙනවා ඔයාගෙ ඒ කාලකණ්නි කියල හිතෙන ජීවිතේ ගොඩදාන කෙනෙක්. ඇත්තටම ඒක එයාවත් අපිවත් දන්නෙ නැති වුනාට සීමිත කාලෙකට අපේ ජීවිතේට අහඹු ලෙස එහෙම එන කෙනෙක් අපිට අපේ ශක්තිය හැකියාව පෙන්නල අපිව සතුටින් තියනවා. ඒත් අපි දන්නවා ජීවිතේ සමහර බැඳීම් වගකීම් එක්ක අපට ඒ සම්බන්ධකම් ජීවිතේ පුරාවට අත් අල්ලන් යන්න විදියක් නෑ කියල. අපිට ගෙවාගන්න අමාරුම කාලවල් අත් අල්ලන් යන්න උදව් වුන එහෙම අය අපි එගොඩ උනාට පස්සෙ අපේ අත අතාරිනවා.
" සමහර වෙලාවට මිනිස්සු දෙන්නෙක්‍ රාත්‍රියේ ගමන් කරන යාත්‍රා දෙකක් වගේ.අහම්බෙන් සැරයක් දෙසැරයක් හම්බෙන ,ඊට පස්සෙ ජීවිත කාලෙටම කවදාවත් හමුනොවන."
" පිරිමියෙක් ගැහැණියක් අතර එහෙම බැඳීමක් තියෙන්න බැරිද ,එකිනෙකාව විනිශ්චය කරන්නෙ නැතිව ඕන දෙයක් වගේම හැමදේම කියන්න පුළුවන් විදියෙ , කිසිම රහසක් බොරුවක් නැති , එකිනෙකාගෙ කතා අහගෙන තේරුම් ගෙන සමගියෙන් ඉන්න .
මම ඔයාගේ හමුවීම
ඔයාගෙ යාළුකම
ඔයාගෙ ආදරය
මගේ වාසනාව කියල පිළිගන්නවා.
මගේ ජීවිතේ සතුටින් තියල ජීවිත කාලය දිගු කරාට ස්තූති වන්ත වෙනවා.
ඔබේ මතකය , දුන්න ආදරය හදවතේ තැනක මියෙනකම් සුරක්ෂිතව තියාගෙන ඉන්නවා.
ඔයාගෙ ජීවිතයට සුබ පතනවා.
Watching 8am metro
